{ SKIP }
文:MenClub 波特先生  圖:互聯網
POSTED ON 10 Jun 2019

「泥地王」拿度較早前喺法網四強再一次遇上「瑞士天王」費達拿,最終拿度喺不失一盤下3:0掃走費天王,生涯第12次打入法網決賽。而喺決賽,拿度嘅對手係世界排名第4嘅添姆(Dominic Thiem),最終「泥地王」依然以壓倒性嘅實力擊敗對手,第12次捧起法網嘅冠軍!

現年33歲嘅拿度,一直喺泥地賽事嘅絕對王者,因此喺法網可以話係神一般嘅存在,即使強如費達拿或祖高域亦都好難喺泥地賽擊敗拿度。喺今屆法網四強,拿度就再一次遇上費達拿,但賽事卻以拿度直落三盤獲勝作結。

而決賽面對添姆,拿度第一盤就以6:3先拔頭籌。第二盤,添姆成功搶得主動權,最終以7:5贏得呢一盤,要知道今屆賽事拿度只曾喺32強輸過比哥芬一盤,所以添姆都算非常利害。可惜之後添姆無以為繼,被拿度連續兩盤6:1,總盤數3:1擊敗添姆,順利奪得冠軍。

由2005年首次參加法網已經奪得冠軍,到今年已經係拿度第15次參加法網,期間佢一共贏得12次冠軍,當中包括1次4連冠以及1次5連冠,而目前則係三連冠,以佢喺泥地賽壓倒性嘅統治力,拿度未來絕對有望再奪冠。

唔知以拿度喺法網嘅成就,未來當佢退役之後,法網會唔會改名叫做「拿度泥地公開賽」呢?

無論你係咪系列Fans,呢幾日都一定聽過由Team Cherry開發嘅《Hollow Knigt》(空洞騎士)續作《Silksong》(絲綢之歌)嘅大名。呢隻時隔7年推出嘅續作於9月4日上市當天就引起哄動,大量玩家爭相購買造成Steam等各個 ...
hobby
【電玩】《絲綢之歌》癱瘓多個遊戲平台 業界警告《GTA 6》推出時情況會更嚴重
09 Sep 2025
由芥見下下創作嘅人氣漫畫《咒術迴戰》宣布推出外傳短篇《咒術迴戰》,並於今日起於「週刊少年JUMP」正式展開連載!預計會連載六個月,推出大約三本單行本。 blockquote class="twitter-tweet"p lang="ja" dir="l ...
hobby
【漫畫】《咒術迴戰》外傳短篇《咒術迴戰≡》連載展開!乙骨與真希後代大戰外星人?
08 Sep 2025