{ SKIP }
文:MenClub 波特先生  圖:互聯網
POSTED ON 10 Jun 2019

曼聯門將迪基亞與曼聯嘅合同,將於2020年夏天到期,如果到時雙方亦未完成續約,咁迪基亞將會成為自由身球員,可免費加盟任何球隊。曼聯當然首選係同迪基亞續約,但如果雙方真係傾唔埋,佢地絕對唔想見到迪基亞免費離隊,所以最終可能迫使曼聯要將佢提早賣走。

對於曼聯黎講,佢地岩岩經歷左大起大落嘅一個球季,先有摩連奴被炒,再有蘇斯克查上任,並如有神助一樣踢出超好戰績,但臨近季尾表現卻一落千丈。因此,曼聯今夏必定會有大面積嘅球員變動,好似普巴究竟會唔會離隊呢?甚至連曼聯陣中表現最出色嘅迪基亞亦可能面臨被賣。

曼聯方面當然唔想失去迪基亞,但由於呢位主力與曼聯嘅談判好似無咩進展,所以有傳曼聯如今可能會考慮賣掉只係剩下一年合約嘅佢,以避免人財兩失。

目前為止,對迪基亞有興趣嘅球隊當然不少,其中法甲班霸巴黎聖日耳門有意出手,以迪基亞取代保方,而曼聯則可能會為迪基亞開價6000-7500萬鎊,為左順利令迪基亞轉投PSG,有傳曼聯甚至願意送2000萬鎊比佢,咁樣曼聯仍然可以從中獲得至少4000萬鎊嘅轉會費收入。

不過據聞迪基亞方面則希望可以完成曼聯嘅合同,然後明夏就可以自行決定加盟邊一支球隊,對於佢黎講自由度將會大增,因此唔知曼聯開出嘅2000萬鎊會唔會可以打動呢位球隊多年功臣呢?

受疫情影響,位於日本秋葉原,被視為當區地標兼集體回億嘅「SEGA秋葉原2號館」宣佈會於8月30日後結束營業。 圖片:Wikipedia SEGA 2號館原址本來係一間大型家電店,2003年結業後由SEGA接手改建成為遊戲機 ...
hobby
【日本】不敵疫情 秋葉原地標SEGA 2號館月尾結業
03 Aug 2020
但戴單邊耳筒講電話就得
hobby
【低頭族】日本足立區禁路上用電話 講電話都唔得!
03 Aug 2020