一直只聞樓梯響嘅《太空戰士7》(Final Fantasy VII)Remake，終於喺今年嘅E3公佈詳細嘅資料啦！仲確定埋推出日期，以及各個不同版本嘅附送品。而且同時亦公布咗另外兩款《FF》嘅RE-Mastered 版推出，唔知算唔算係《FF》迷嘅福音呢?

老實講，經典場口，就係等次世代嘅重演，所以當官方發放消息有意推出Re-make 版本時已經令人相當期待，可惜嘅係一直都無乜消息確認一定會推出，等了又等，終於確定推出日期，睇睇哩兩張城市嘅圖片，熟悉得嚟帶點新鮮，真正係次世代化。

遊戲係傳統嘅RPG相信唔會變，加入新元素亦係必然嘅事，畫面聲音玩法各處都Level Up，絕對係玩過都可以當係新Game 再玩，更何況係神作FF7。而CG畫面已經貼近電影片時嘅級數，相信唔會令Fans 失望嘅一個RE-make 版。

頭先講嘅乜乜物物購買點先有嘅DLC全部都有晒，仲有實體嘅Steelbook Case，Art Book，Sound Track，重點係主角連車車Figure，總之就攞你命三千，Fans只能對銀包君講聲Sorry啦！

《Final Fantasty VII REMAKE》太空戰士7重製版

遊戲平台：PS4
遊戲類別：RPG
推出日期：2020年03月03號
價錢：8,980円起(未連稅)

另一款經典亦加緊腳步趕及發放RE-master 版，就係FF8。記得主題曲係邊個唱嗎？

睇睇片算，因為得個「加咗 RE-mastered」嘅字眼嘅標題，片中嘅畫面只係PS 1 年代嘅遊戲畫面，根本上無做過任何畫面上嘅強化，所以，鍾意FF8 嘅可以耐心再等一下。因為佢爬喺FF7 之前出，即係代表...咳咳...自己諗諗啦！

《Final Fantasty VIII RE-mastered》太空戰士8 移植版

遊戲平台：PS4
遊戲類別：RPG
推出日期：2019年預定
價錢：未定

最後一款係轉會去咗任記嘅Final Fantasy Crystal Chronicles RE-mastered Edition。

由於Game Cube 機能上都有唔錯嘅表現，所以移植到其它機體上係唔太覺得畫面脫節，感覺上更有upgrade 嘅感覺。留意嘅係，今次會對應埋手提電話嘅平台，即係流動性提高，同時亦有家用版，應該可以接力玩。睇嚟步向手機與家用機接力玩，會係一個新潮流。

《Final Fantasty Crystal Chronicles RE-mastered》太空戰士 水晶編年史 移植版

遊戲平台：PS4、Switch、iOS、Andriod
遊戲類別：RPG
推出日期：2019年冬季預定
價錢：未定

唔知係係開心好定唔開心好，重出啲Game 仲好過新出，睇下隻15...