領隊沙利日前正式離開車路士，轉投意甲班霸祖雲達斯執教，因此車仔領隊一職隨即懸空。不過，車路士其實已經早有準備，佢地心目中已經有備用領隊人選，而佢就係車路士傳奇球員林伯特。

40歲嘅林伯特較早前已經與車路士方面就入主藍軍展開談判，而最新嘅消息指，呢位藍軍傳奇已經接受球隊開出嘅三年合同(至2022年)，好快就會正式成為車路士嘅新領隊。

It’s confirmed: Frank #Lampard will be the #Chelsea’s new manager. He’ll sign a contract until 2022. #transfers #CFC https://t.co/ltRcJsgu4a

— Nicolò Schira (@NicoSchira) 2019年6月18日

雖然目前還沒有正式公佈表示林伯特會離開執教中嘅打比郡，但預計只要車路士確認聘請林伯特作為球隊新領隊，老闆艾巴莫域治就會為林伯繳付400萬鎊嘅違約金。

當然，打比郡方面非常希望林伯特可以留低，並願為佢開出新嘅續約合同，但要知道林伯特一共為車路士效力左13年，係球隊嘅傳奇，所以重返藍軍執教絕對係林伯特嘅夢想之一，所以如果藍軍真的決定聘請林伯，相信打比郡將難以阻止佢。

而喺林伯之先，車路士已經正式聘請球隊傳奇門將施治擔任技術總監一職，如果林伯最後真係回歸做領隊，咁佢就可以同施治喺車路士重逢，唔知之後會唔會有更多車路士嘅傳奇重返球隊工作呢？

.@PetrCech is our new Technical and Performance Advisor!

Welcome back, Big Pete!

— Chelsea FC (@ChelseaFC) 2019年6月21日