《閃靈》係一部發行於1980年嘅英美合拍恐怖電影，根據史提芬·京1977年同名小說改編，導演係Stanley Kubrick。美國導演Martin Scorsese曾經將呢套電影列為史上最恐怖11部恐怖電影之一。

《閃靈》嘅故事係講Jack Torrance係一名作家，為咗擺脫工作上嘅失意，接受咗一份喺冬天維護科羅拉多州一間奢華嘅山間酒店Overlook嘅工作。佢年幼嘅兒子Danny擁有通靈能力，可以見到過去同未來嘅事物，比如棲息喺飯店嘅鬼魂。佢哋到飯店安頓好冇耐，呢家人就被暴風雪困住，傑克逐漸受到超自然力量嘅影響，之後佢仲陷入瘋狂並企圖謀殺自己嘅妻子同兒子……

《閃靈》作為一套經典甚至係史上最恐怖嘅恐怖片，推出續集自然多人關注，喺《閃靈》播放後嘅39年，佢終於推出續集《Doctor Sleep》，而且最近仲釋出預告，一齊睇下先！

《Doctor Sleep》嘅故事係講《閃靈》主角Jack Torrance嘅仔Danny長大後發生嘅事，由於Danny童年喺Overlook酒店嘅回憶令佢留下創傷，於是佢透過酒精壓抑自己嘅能力，後來遇到同佢有相同能力嘅女仔Abra。Abra為咗逃避會吸食「閃靈」能力者能量，藉此獲得不死能力嘅True Knot成員Rose the Hat，意外同Danny相遇，同時亦令酗酒嘅Danny重新振作，返到逃避咗35年嘅Overlook酒店探究當年發生嘅事情。

電影將於11月8號上映，有傳《Doctor Sleep》會有不少向《閃靈》致敬嘅經典畫面，比如雙胞胎女鬼、浴缸裡面嘅老婦人、Danny由門探頭窺看嘅畫面等等，就連《閃靈》嘅配樂都會一齊返黎，係咪好令人期待先？！