世事如棋日日新，《復仇者聯盟4:終局之戰》全球狂收27億美金，但未竟全功還未能成為全球第一史上最高票房，好多人都在觀望到底最終復仇者聯盟4有無可能反勝《阿凡達》呢？本來票房之爭就已經完結，但而家Marvel總裁放出最新消息，《復仇者聯盟4:終局之戰》將會以加料新增被刪片段和過去致敬片段的全新「彩蛋版本」重新上映！！好耐無刷牙的復仇者狂迷又可以一而再再而三入場重睇。加上新增片段同彩蛋，真係票房衝冠的超級手段，你會唔會為新增的片段再睇多次？

據知，重上的《復仇者聯盟4:終局之戰》並唔係所謂「加長版」，電影的內容和長度都係不變，但放映完結後，片尾名單之後，會播出幾段從未曝光的7分鐘刪減片段和致敬片段，當然仲可能會有從未出現過的彩蛋。而且最快可能是下星期就上映！！

作為分秒必爭的香港人，明知正片電影不變，會唔會買完票較準手錶等到電影放映二個半小時後先施施然入場呢？？個人認為咁做比較省時快捷，又或者不如叫Marvel直接上眾籌網集資要求破票房紀錄，唔駛大家花時間睇，收夠錢就公開哂所有彩蛋片段算啦！香港人呢排好忙...........個個得閒又入場睇三個鐘咩！？