美洲盃今日上演決賽戲碼：巴西 vs 秘魯，其中巴西作為美洲傳統強隊，相信大家唔會陌生，反而對手秘魯今屆成為黑馬，先後擊敗烏拉圭及對上兩屆美洲盃冠軍智利，所以決賽仍然令人期待。

而決賽前巴西傳來壞消息，主力之一嘅中場韋利安因傷將會缺陣。不過始終巴西實力上都係技高一籌，憑住愛華頓、捷西斯及李察利臣各入一球，巴西以3:1擊敗秘魯，相隔12年後再一次舉起美洲盃冠軍，要知道當年巴西陣中嘅球員係羅賓奴、巴迪斯達、祖安、馬干等人。

睇見巴西隊成功奪冠，亦可以預見巴西隊真正迎來復興，要要知呢支森巴軍團自從朗拿甸奴、卡卡等人退落黎之後，可以話「蜀中無大將」，叫做最有名嘅尼馬空有背景，始終未能作為球隊大哥帶領球隊取得好成績，反而今年無左尼馬，球隊並無單依賴一名球員，球隊踢出團體型足球，最終取下近年最好嘅成績。

今年巴西成功奪得美洲盃嘅陣容可以話非常年輕，其中好似愛華頓、捷西斯都只係23及22歲，而好似法明奴同古天奴二人都係27歲，正值當打之年，後防方面嘅馬昆奴斯及辛度都係只有25及28歲，所以即使係2022年嘅世界盃，巴西嘅陣容仍然非常當打，以佢地嘅表現佢地將好大機會成為2022年世界盃嘅奪標熱門。