熊本熊變初號機　EVA展毒唔毒到你飛？

文：MenClub Patrick　　圖：互聯網
POSTED ON 06 Jan 2015

《新世紀福音戰士》嘅毒性，係絕對足以引到粉絲周遊列國去睇佢啲展覽嘅！啱啱喺深圳舉辦完嘅「EVA EXPO 2.0」，有冇去睇到？若然錯過咗，或者覺得大陸嘢都係流流哋，咁最好都係飛過去日本睇番最正宗嘅EVA展覽喇，仲要又多個理由畀自己去旅行，你話係咪先？由2013年開始喺日本作巡迴展覽嘅「Evangelion展」，而家正舉行到山口縣，但係1月12日就會完結。至於下一站、亦都係最後一站嘅地點，就係我哋好熟悉嘅熊本縣，場地係熊本県立美術館，由2月28日開始，展出到4月12日。最後機會喇，今年仲要係《EVA》20周年添，粉絲冇理由唔去朝聖啫！

有熊本縣就自然有熊本熊出場，今次佢亦冇令大家失望，化身成初號機做吉祥物，成件事萌好多，唔止粉絲鍾意，仲可能吸引到一眾女友，肯陪各位男士一齊去睇添。毒唔毒到你飛呀？回帶睇番其他縣嘅展覽有乜睇/買先啦！