{ SKIP }
文:米  圖:互聯網
POSTED ON 10 Jul 2019

唔好睇《蠟筆小新》裡面嘅妮妮個樣得得意意咁,事實上佢並唔係啲咩善男信女,郁啲就鍾意揸住人痛腳要脅同學仔,平時又八八卦卦鬼咁煩……講講下,有冇啲似曾相識,似唔似巴打身邊位女朋友,開頭識佢就好QQ,之後先知瀨晒嘢仲要加埋對方臭脾氣,一嬲又要掟嘢又要打人出氣……OK!衰嘢廢時講咁多,Any肥,如果你女朋友鍾意打你出氣嘅話,得,即刻買個《蠟筆小新》裡面妮妮隻「出氣兔兔」畀佢,起碼出氣時有得順手打下卡,女友心情應該冇跌得咁L差。

「出氣兔兔」係《蠟筆小新》裡面妮妮同佢媽媽成日都打嘅出氣袋,一有咩唔順心,佢哋就會匿埋拎隻「出氣兔兔」出嚟發洩!而呢隻「出氣兔兔」家下終於實體化,日本三英貿易株式会社推出90cm大嘅「出氣兔兔」公仔,佢個樣就好似動畫裡面咁面無表情,條頸就綁咗個可愛嘅橙色蝴蝶結,成個公仔摸落觸感軟綿綿好似麻糬咁,大力打都唔會手痛呀!

目前「出氣兔兔」公仔價錢大約2萬日元,預計9月上旬發售,巴打唔想再做女友出氣袋就要上網買返隻喇!

【年度巨片】經典延續《未來戰士:黑暗命運》釋出首回預告 可能我們都老了,電影好像愈來愈多由細睇到大的經典,《未來戰士》算是經典中的經典嗎?反正第六部未來戰士又來了,更霸氣的是經典的名字全部重新出現 ...
hobby
【年度巨片】經典延續《未來戰士:黑暗命運》有全新拍攝花絮 ...
19 Jul 2019
所以話唔好欺壓人咁耐,否則只會引發衝突
hobby
【熱身賽都咁好火?】曼聯及列斯聯球迷大打出手!
19 Jul 2019