英超賽事嘅轉播收入係聯賽最主要嘅收入來源，亦都係一眾球星可以獲得天價合同嘅關鍵之一。不過，現實卻有唔少地方存在非法轉播問題，從而令英超蒙受損失，而其中最多非法轉播嘅地方唔使問都知係中國。

英超聯同美國贊助費估值公司GumGum Sports及倫敦數字轉播研究專家團隊MUSO進行左一項研究，得知上季其中8場英超比賽，平均一場賽事有多達710萬名觀眾係透過非法轉播觀看比賽的，而當中有100萬名觀眾係黎自中國，其餘則為越南、肯亞、印度、尼日尼亞，而英國則排名第11位。

而研究亦估計，因為非法轉播每場比賽英超球隊嘅贊助損失將達到100萬鎊，呢一點將嚴重影響體育賽事嘅生態環境。

另外，研究團隊亦發表聲明表示，球隊及贊助商喺過去咁多年黎因非法轉播導致嘅損失可能達到數十億鎊。