利物浦中堅雲迪克，過去一季憑住驚人嘅防守表現，帶領利物浦奪得歐聯冠軍，而佢個人則好似已經成為當今最強中堅。據統計，上季英超賽事入面無一位球員能夠成功運球突破雲迪克，但原來佢唔單止防守出色，要搶到雲迪克嘅腳下球亦都非常困難。

作為雲迪克嘅隊友，法賓奴透露隊內訓練咁耐以黎佢只係見過一位球員可以搶走雲迪克嘅腳下球，而且只係得一次咁多。

法賓奴：「訓練時我經常與雲迪克同隊，我見過訓練期間可以搶走雲迪克腳下球嘅就只有法明奴一人，而且只係一次咁多。」

當然以上說法有誇大嘅成份，因為雲迪克亦都曾被球員爆贏過而令球隊失波，所以呢位荷蘭中堅又未去到完美無缺的。

不過，雲迪克獲得隊友們嘅稱讚，其實證明佢嘅表現已經令隊友們非常佩服，黎緊嘅金球獎亦指佢目前已經壓過美斯，暫時領先中。