{ SKIP }
文:MenClub 波特先生  圖:互聯網
POSTED ON 12 Jul 2019

今夏NBA休賽季可以話係近年最精彩、最勁爆,其中好似Anthony Davis被效至湖人與LeBron James聯手,然後Kawhi Leonard離開速龍加盟快艇,並且換埋Paul George一齊加盟,如今最新嘅消息指,火箭及雷霆將會進行交易,Russell Westbrook及Chris Paul將會互換東家!

由於Paul George已經被交易,雷霆只餘下Westbrook一位明星級球員,而後者亦已經公開表達自己想被交易嘅心願,因此知道球隊單靠Westbrook一人應該做唔到啲咩,所以管理層果斷決定重建球隊,將球隊首席球員送走。

據NBA消息指,雷霆與火箭已經達成交易,雷霆將會把Westbrook送到火箭,而火箭則會把Chris Paul、2024、2026嘅首輪簽及2021、2025嘅首輪簽互換權送到雷霆。而據爆料大神Woj表示,其實火箭本來希望將第三支球隊加入交易,以將CP3送到第三方手上,但最終未有球隊願意加入。


Westbrook在2008年以第4順位新秀身份加入雷霆,隨即與Kevin Durant組成年輕嘅二人組,到後來再加入埋James Harden,令雷霆組成三巨頭。不過,後來KD及Harden相繼離隊,最終只餘下Westbrook一人留守奧城,到今日Westbrook亦待不下去,一人一城喺NBA已經沒有任何價值。

不過,其實Westbrook亦可以話得益於KD及Harden嘅離開,因為雷霆成為其球隊後,佢獲得無限開火權,令佢喺2017年首奪常規賽MVP,同時喺2015及2017年亦成為聯盟得分王,更恐佈嘅係佢喺過去連續三年常規賽都獲得場均三雙嘅數據,寫下NBA歷史。

成功交易後,火箭將再次令Westbrook及Harden聚首,兩位MVP聯手將組成聯盟最強後衛組合,不過二人都需要極多球權,如何分工將成為火箭黎緊嘅關鍵,特別係Westbrook過去一直為人垢病嘅刷數據及出手選擇其差嘅問題。不過好嘅係,以Westbrook取代CP3將大幅加強球隊嘅運動能力,以及穩定上陣嘅問題,因為CP3對上兩季因傷都缺席左唔少比賽。

另一邊廂嘅CP3就慘啦,本來一直希望衝冠嘅佢被交易到雷霆,一直明顯希望進入重建嘅球隊,相信佢一定唔甘心留喺球隊只係為左輔助年輕球員成長。因此,未來雷霆會唔會有進一步交易,球迷一定要留意!

究竟結果會點呢?
hobby
【獨立調查】孫楊禁藥風波下月中舉行公開聽證會
15 Oct 2019
得麥巴比得金錢!
hobby
【搶金蛋】咸爺想做麥巴比經理人!
15 Oct 2019