近期真無線耳機市場最來勢洶洶的肯定是定價合理，有降噪功能同聲音都卓越的左右獨立真無線降噪耳機 WF-1000XM3，我都買左一對來玩，不過其實還有好多用家唔太喜愛或唔相信無線傳訊，總是覺得有線會唔會好聲D，但偏偏手機發展趨勢是消除3.5mm耳機輸出，不過有需求自然有供求，龍頭Sony最近就係日本推出一款創意用USB-C 介面的有線耳機 STH50C，耳機有線連接內有DAC，再比原手機直出優化，是為鐘情給有線的耳機用家一個回應和選擇。價格只是7000日元（500港幣），玩得過！

Sony近年係耳機界非常活躍，高高低低全包圍產品線好齊，上面提過近期真無線耳機銷情幾好，今次 Sony 又發表新款採用 USB-C 介面的有線耳機 STH50C，真係幾適合有USB-C介面的新型手機用家，有線除左好聲外另一好處是通話能力，一路講電話對方絕對能夠好好聽清聽楚，呢一點唔係所有真無線耳機的用家能夠得到的，比較下來有先天優勢。

呢條STH50C耳機機身直接採用 USB-C 介面，並支援 Hi-Res Audio 高解析音樂播放。內置 DAC 解碼最高支援 192kHz / 24bit 的 Hi-Res Audio 高解析音樂重播，耳機本體搭載了 9.7mm 驅動單體，頻率響應為 20Hz – 40,000Hz。而且為了方便用戶操作，線組本身提供了音量調整及語音啟用鍵等功能。在功能上實在同真無線耳機沒有兩樣，是科技底下另一種的變奏產品。

近年好多手機廠因各自設計等不同原因，紛紛將 3.5mm 耳機插犧牲，新機除蘋果手機外不少廠商均提供 USB-C 轉接 3.5mm 耳機線材方案，但始終多經一重轉折，不及原生便利，加上近期 Sony 幾款高階手機也取消 3.5mm 耳機孔，因此Sony轉數好快，呢個時間馬上推出 STH50C 耳機的，為需要的用戶提供的一個便利好聲方案，一家便宜兩家著！

 TH50C耳機，將於8 月 3 日首先在日本國內發售，價格約為 ¥7,000 日圓即大約500港幣