超期待等左兩年的大作終於有得上畫，《電流戰爭》19世紀的電流革命，四位超級英雄為電流激戰，愛迪生對壘「西電」，加上天才發明家尼古拉特斯拉 (Nikola Tesla)，直流電與交流電曾經在商業戰場鬥個你死我活，兩派人馬面對供電市場利益，展開勾心鬥角的商業大戰。「奇異博士」加蜘蛛俠再加《變種特攻》系列的「藍獸」和超人反派薩德將軍，故事和人選同樣精彩。愛迪生呢刻我唔理佢是好人定壞人，我只想起一首歌：發夢亦願做嘗試，渴望照耀大城市，如今漆黑一片，誰想過改變，誰願意改變，奮力地埋頭研發，縱沒人認同明白，堅持的意義，總有一天會，革命會兌現，誰料到黑暗升起火光太陽………………….

呢套電影《電流戰爭》原本2018年就要上映，但由於發行商 The Weinstein Company的創辦人哈維·溫斯坦的「#Metoo」性醜聞爆發電影一度上映無期，然而呢套作品是一套非常之有潛力極之讓人期待的好戲，好彩Harvey Weinstein出事後整個荷里活紛紛與其割蓆或將其封殺， The Weinstein Co. (TWC)仲破埋產，最後由Lantern Company以2.89億美元接手TWC剩下嘅13部電影嘅國際發行權，當中正正包括《電流戰爭》，所大家才能夠8同入場睇到一套好戲。個人認為雖然沒有超級後台助推宣傳，呢套都係久違了的必睇大作

《電流戰爭》係講述一代發明家愛迪生與西屋電氣創辦人George Westinghouse於19世紀80年代對供電系統嘅競爭，極度簡化黎講就係愛迪生發明直流電，George Westinghouse同「人氣發明家」特前拉(Tesla)則力推交流電，雙方都希望成為美國主要供電系統(以獲得專利金)。歷史上愛迪生曾經請過特斯拉做助手，而且欺騙後者為其完成直流發電機；後來為咗抹黑交流電，使用交流電公開電死狗，又推動美國使用電椅作為處置死囚嘅方法，所以現代網上觀點大多話佢係卑鄙商人，由個樣本身就非常陰暗嘅BC黎做都真係幾有睇頭！

。

時間係好特別，如果上年一早有得上映，湯賀蘭 (Tom Holland)仲未真正大紅，但今時今日上，飾演愛迪生小助手的祕書仔湯賀蘭成為4大宣傳角色之一，其實老實來講套戲的主要角色得三個，但Holland仔紅左當然要加埋佢配色入去宣傳一下。

而電影中飾演威斯汀豪斯及Tesla的分別就是《變種特攻》系列的「藍獸」尼古拉斯侯特 (Nicholas Hoult)，以及來自DC宇宙，在《超人：鋼鐵英雄》中演出反派薩德將軍(General Zod)及怪物「毀滅日」(Doomsday)的金像提名男星米高沙朗 (Michael Shannon)。四位「英雄」今次分成兩大陣營打對台。

三位電力巨人會如何改變世界？

電影： 《電流戰爭》(The Current War)

導演： Alfonso Gomez-Rejon

編劇： Michael Mitnick

監製： 馬田史高西斯 (Martin Scorsese)

領銜主演： 班尼狄甘巴貝治 (Benedict Cumberbatch)、米高沙朗(Michael Shannon)、尼古拉斯候特 (Nicholas Hoult) 、湯賀蘭 (Tom Holland)

類型： 劇情、傳記

片長： 108分鐘

級別： IIA

語言： 英語 (中文字幕)

上映日期： 8月15日