高達景品系列中，有名嘅《G.G.G.》將會推出新嘅商品，而且會由原先嘅三個G，再加多個G，《機動武鬥傳G》，今次輪到主角：杜門‧卡遜。今次喺官方嘅Twitter 發佈資料中，只有開發中嘅3D 灰模圖，但體態外型都好吸引。

承繼一貫高汁嘅細節，今次亦都唔例外，衣服紋理，全部都詳細展示到。 斗篷嘅飄逸，配劍，雖然未有上色，但見到灰模，再睇返之前嘅產品，大約可以預計到質素會係有幾高。

有留意到杜門背後嘅一張Poster，有杜門女友，莉英嘅3D剪影，亦於Twitter 中公佈亦會推出。睇嚟，將會係一對咁推出，《G》Fans 真係一個絕大嘅福音。

睇返過往嘅產品，質素都有相當嘅保證，上色塗裝都相當嘅水準，詳細資料未有，但先望望外形啦!

小熊將會緊貼官方消息發佈，有進一步資料將會再為大家報上。