{ SKIP }
文:MenClub 摯樂  圖:互聯網
POSTED ON 01 Aug 2019
【Soundbar系統】僅次於家庭影院的Klipsch BAR 48高級Soundbar 3.1系統

時下電視機愈來愈大畫面愈來愈靚,在家睇劇煲戲分分鐘方便爽過入戲院,所以一套好的家庭影院系統可以帶比你超越視聽的劇院感受,但下下去買成套家庭影院一來開支大二來無位放,如果Soundbar 可以替代家庭影院而又有脫胎換骨的聲音飛躍,最好還要維持4位數字港幣預算,有合符上述當然要推薦?其實美國Klipsch的確推出左一套Soundbar 3.1系統,由三組件,一條主前中置soundbar,一個無線超低音喇叭同一對後置無線喇叭組成,簡單一set夠你玩到戲院咁聲,家庭影院入門最重要三樣,中置靚聲,超低音氣氛營造同前後包圍環繞聲,Klipsch BAR 48正好齊備。

 

Klipsch係來自美國的著名喇叭生產商,旗下專門為多聲道家庭影院推出全新的高級套裝BAR 40和BAR 48,bar 40只是少左後面後置成為樣樣都縮細的2.1聲道,由於最高級bar48都係4位數字價格,個人認為再細再平但實力大減的bar20無值得推薦的地方,我就不作介紹,主力講講一模一樣多對後置的3.1 BAR 48,因為個人認為要玩到稱得上家庭影院至少後面一定要有環繞聲做最基本前後包圍感。否則你一個前面的soundbar再好聲都總是差少少,坊間有較貴價的超級soundbar以極多喇叭單元向多位置發聲圖通過牆壁反射帶來包圍方向感,理論和方向正確,但這種產品的定價肯定萬萬聲才有實力,而且重點還是你家的牆要四方有位反射,香港家居環境古怪,放一對真實的後置喇叭絕對比利用反射聲簡單易玩好!

 

BAR 48被設計成3.1聲道,喇叭全無線連接,後置和超低音只要搵到位強行安置即可,如果你用落想擴建,還可多買一對後置放前面,即成標淮5.1喇叭組合。

 

咁講講bar48 主喇叭部分共配備7個子喇叭單元,包括4個直徑為76.2mm的中低音單元錐體和3個尺寸為25.4mm的小型號角式高音單元。確保一套家庭影院好聲的基礎是超低音,BAR 48系統的低音和低音炮都係無線訊號連接,配備一個直徑為203毫米的重低音單元,以向下發射的結構(超低單元面朝下),開放式的設計易放擺放。整個bar 483.1系統總功率高達440W,可產生最大強度為103dB的聲音,爆機睇戲文武俱備。

 

後置喇叭一對叫Surround 3,也是無線主動喇叭設計通電即可,分成一對,形式為一對小型書架式環繞喇叭跟腳架,主動式內置放大器,總功率為60W。

 

BAR 48採用Klipsch專用的喇叭技術,如Tractrix Horns 90°X 90°高音和Linear Travel Suspension Tweeters等...系統能完美兼容時下流行的環繞聲格式,如Dolby Digital,Dolby Digital Plus,DTS,DTS-HD,尤其是DTS Virtual:X,以幫助重現模擬環繞聲效果。BAR 48通過藍芽支援HDMI-ARC,輸入方面具有3.5mm模擬,光纖數碼和無線藍芽輸入。當然也有hdmi輸入,反正一套已基本構成多聲道家庭影院,如果地方唔大咁樣一套設置恰當絕對有機會好聲過入門亂買的一套5.1亂配喇叭擴音機組合,當然入門價格數千元的Klipsch BAR 48只是簡單入門級別,用來簡單打機睇戲完美超越電視機聲,唔好同Imax戲院比較就可以了

TEAM-DEMI係由日本公司PLUS於1984年推出、一個盒內收納7款文具嘅產品,由於當年呢個設計既美觀又方便,最後TEAM-DEMI賣出超過650萬套。而日本設計師深澤直人就決定重新設計新世代嘅TEAM-DEMI,加強咗產品嘅極簡氣息 ...
hobby
【設計】文具控請入 極簡文具盒套裝 「TEAM-DEMI」
18 Sep 2020
美國明星素來都唔會怕講政治,呼籲大家去投票行使公民權力更加係成日都見,例如早前「美國隊長」Chris Evans「大雕照」後第一個Twitter貼文,都係叫大家去投票。而另一Marvel男演員、號稱「MotherFxxker本尊」嘅Samu ...
hobby
【影視】Samuel L Jackson教你用15種語言講「DLLM」
18 Sep 2020