區區有戲院，近年睇戲的戲院數目大幅增加，未必一定下下要出傳統市區睇戲，而家有地區院線走舒適親民路線，今日港鐵南昌站上蓋就有新戲院嘉禾V WALK正式開業，由於地理方便，住九龍西區甚至新界西西鐵沿線的朋友又多一個睇戲熱點，個人走訪後發覺呢間戲院走簡約舒服貼心路線，座位舒適設計親切，銀幕雖然不大但全部使用美國著名JBL喇叭，影音用料和設置都相當唔錯，有特色小食，同埋最重要，有特惠早場價同全日學生優惠，如果我是學生隨時可以去睇戲多好！

今日正式開業的嘉禾院線南昌站上蓋戲院V WALK，正正位於南昌站上，係其中一間方便低調的觀影好去處，呢間戲院有5個影院，可以提供約400個座位，算不上是大型戲院，不過新裝修加上設計得宜，比人一種非常舒服的感覺，全院見到裝備上用新式鐳射投影機和Dolby7.1系統，雖然規格上不及市區大型院線，但全部用美國著名JBL喇叭，而實際觀賞影院不大，銀幕雖然不算很大但觀賞距離作調整，小電影院影畫依然能有充份沉浸式靚聲靚畫觀感體驗。座位行距為1.1米，確保座得舒展也無咁屈腳。其他設計的野我唔太懂但以觀眾角度一張飛價錢平座得好聲畫佳，特色的1院據知全部入場觀眾都會獲贈七彩「Welcome Sweet」糖果，小朋友開心死！(好媽媽見到糖果會皺眉！)

講起小朋友我見到每一間影院內都有大量BB椅，相信戲院非常歡迎好迎接小朋友，呢點見到嘉禾非常貼心，當然個人認為如果你是家長應考慮清楚你小朋友會唔會有哭鬧或者驚慌的情況，因為你一位小朋友不停吵鬧，全場都想哭，所以戲院值得讚但家長都要深思。講返嘉禾VWALK，佢地另一賣點是自家經典美食，主力賣點是三款美食蜜糖/照燒汁丸子串（芝士包心丸、台式墨魚丸、豬肉丸子）、照燒紫菜雞軟骨卷以及菠蘿芝心漢堡。當然想吃就要去小食部比錢買，呢間小吃部仲有特色奇怪的道地百果園提子味梳打汽水，第二度未必飲得到。而小吃部為環保都出左一分力全部提供使用甘蔗渣纖維環保飲筒。

不過我站係觀眾的角度，理得你設計同有咩食，睇戲最緊要咩野？地理位置方便固然重要，最緊要平同有優惠呀，我地呢d識慳平民當然睇有無早場，星期1至5早場55蚊，所有持有學生證的優專全日50蚊(2D)，Home特色影院1(即有糖派的火爐影院！)早場$60蚊，平平地係咪想即刻明早就去睇返場戲呢？