飛機杯大廠TENGA成日創意多多，之前Crossover美國潮牌RIPNDIP嘅中指貓，又推出扮珍珠飲料嘅「珍珠TENGA」，確係非常盞鬼！而最近TENGA又有新搞作！就係聯乘《鐵甲萬能俠》同埋《三一萬能俠》，推出融合TENGA元素嘅機械人模型，就算冇得用淨係用嚟擺都夠威威！

TENGA同「goodsmileshop」以及機械人設計師「倉持キョーリュー」一齊合作開發TENGA機械人模型，除咗本身嘅紅色X銀色設計之外，仲有黑色造型配色，加入《鐵甲萬能俠》同《三一萬能俠》特色嘅TENGA機械人真係相當有型！

其中最搶眼嘅就係「鐵甲飛拳飛機杯模型」，如果真係可以整到呢款飛機杯出黎，都真係咪話唔巴閉！

目前日本網站就仲未有TENGA機械人嘅販售消息，唔知要到幾時先可以買呢？