激光筆近日引起熱烈爭議，好多人諗激光有咩野應用，甚麼激光切割、激光掃描、激光雷達等等應有盡有，未來激光仲有新作用，比科幻小說更神奇，美國國防部證實激光可以用來講野傳聲音，作為防禦性非致命武器。美國防部五角大樓測試在近距離內，利用激光透過玻璃進行通話。即係將來可能防亂執法部門會射個激光去你度，然後你聽到聲音：「我地係執法部門，而家用激光發聲警告你，離開否則在那激光中穿梭我就用千支歌將你來鎖…..」用激光代替人口發聲，咁把口仲有咩用，難道用來出絕招錫錫你褲袋？

激光技術現在已廣泛應用在工業、通訊、科學及電子娛樂等領域。連淘寶同深水埗都可以輕易買到簡單無傷害性的天文觀星筆。不過世上總有人要將簡單事物無限上綱，例如將鉛筆理解成《John Wick》之筆，咁到底由1960年美國科學家Theodore H. Maiman發明的紅寶石激光器，到今時今日仲有咩新的玩法呢？係不科學的角度，佢可以成為攻擊性的武器。

#RobotsMachines #lasers Pentagon: New Laser Tech Can Make People Hear Voice Commands https://t.co/gOpv9Jpqn6 pic.twitter.com/eyL1hmk2ku

— SystHub (@systhub) July 31, 2019

不過係較為科學的角度，而且呢個角度出自美國國防部，就認為通過研發，激光技術仲可以作為防禦性武器，讓激光更有潛力和應用價值，五角大樓目前已經證實，它正在測試激光的另一種潛力，例如在近距離內，利用激光透過玻璃進行通話。呢項被美國（Military Times）刋登的報告名為「激光誘導等離子體效應計劃」（Laser Induced Plasma Effect Program），是美軍「非致命武器聯合管理局」（Joint Non-lethal Weapons Directorate）的項目之一。

以上影片來自Military Times

從美國防部五角大樓提供的影片睇來，其工作原理是一個激光器會發射一個等離子球，另一個激光器將接過等離子球，然後將其變成聲波。運作起來好像幾簡單，首席科學家戴夫·羅（Dave Law）指出，如果做得好的話，它可以模仿人類語言。

沿住呢個方向繼續發展研究，五角大樓希望將這項技術應用於其它防禦性武器，包括連續閃光手榴彈——它會產生短暫連續的眩目光線和刺耳的聲音。這份報告還說，激光可以將目標的皮膚加熱到令人不舒服的程度，但不至於灼傷。還可以發出命令，諸如「停下，否則我們將被迫向你開槍」等。不過雖然已知美國或多個唔同國家都正研發新的激光技術用於軍事等領域，但起碼呢一刻其實激光只是幻彩詠啷啷級數，人類距離真正以激光作為武器還差好遠！