成日見啲羊毛氈公仔都係行可愛路線，以小動物居多，但估唔到，原來羊毛氈公仔一樣都可以好有型！日本就有個羊毛氈達人「あわわのおんつぁ@onza_bubbles」製作出一系列超帥氣嘅人型羊毛氈，除咗有特攝英雄、假面騎士等等之外，就連高達都有！而以下介紹呢款羊毛氈「高達新安洲」就係佢嘅最新作品！一齊睇睇先～

雖然呢個「高達新安洲」係用羊毛氈整成，不過為咗令模型嘅關節可以郁動，呢位達人製作模型時會加入鐵絲做骨架，所以不同於普通羊毛氈公仔，呢款羊毛氈「高達新安洲」真係同可動模型一樣，可以擺出唔同Pose！

除咗呢款「高達新安洲」之外，「あわわのおんつぁ@onza_bubbles」仲有其他作品都非常精彩，你哋又鍾意邊款呢？