{ SKIP }
文:MenClub 熊熊  圖:互聯網
POSTED ON 12 Aug 2019

相信玩過Switch 嘅朋友,都知道,佢可以玩到三個模式,方便唔同場合咁玩。但針無兩頭利,Joy-con 嘅設計係新穎,但喺手提模式下,確實難以手操作。玩慣傳統手掣嘅我哋,如玩起《芒亨》、《薩爾達》哩類需要靈活操作嘅遊戲,更顯 Joy-Con 嘅不足。為配合早前公布,將於9月推出嘅《DAEMON X MACHINA》,Hori 將會推出一款專用嘅遊戲手掣,無論外形定啲掣嘅排位,都有唔錯嘅提升。

本產品以《DAEMON X MACHINA》遊戲為主嘅專用手提模式手掣,顧名思義,只限手提模式,係用唔到喺TV或者Teblet 模式下,同之前HORI 推出過嘅「藍色左邊十字掣」一樣,無得藍芽無線連接,一定要插住主機,手提模式限定。雖然係咁,但仍然可以減少Joy-con 喺手提模式帶嚟嘅影響,改善遊戲嘅體驗。TV 同 Tablet 模式,仲可以駁Pro掣玩,手提模式無得揀呀!

由於配合《DAEMON X MACHINA》推出,所以「X」掣面都印咗遊戲嘅「X」Logo,令捨搶眼。而手掣亦設有連射功能,方便啲懶鬼,撳實個掣都射到。(OH Yeah!) 

特別提到手背有一個「FR」「FL」掣,可以配合到遊戲嘅操作,亦係貼心嘅設計,相信遊戲正推出時,將會感受到哩個掣嘅用處。

相信唔少人同小熊一樣,隻隻 Joy-con 「R」掣都壞咗嘅,可以考慮下嘅,始終Switch 嘅其中一個賣點係手提機,打機尋開心啫,畀個Joy-Con 搞到嬲嬲就唔好啦!不過以乜都無(紅外線,HD 震動,陀螺儀),賣到咁貴要諗諗嘅。

Nintendo Switch DAEMON X MACHINA 手提模式專用手掣

對於平台:Switch 限定
售價:4,780円(未連稅)
重量:各重80g
推出日期:2019年9月

資料來源:HORI
提一提伊巴謙嘅偶像就係巴西人朗拿度
hobby
【唯一】伊巴謙莫域:「世界只有一個朗拿度,就是巴西那一位。」 ...
06 Dec 2019
【美國電影】真人版花木蘭推出已修改的第二版預言眾星華麗登場 花木蘭電影重新補拍完又推出新預告,我相信大家有興趣睇的已經大清早追住睇左,無興趣睇的我都想同大家好好探討一下幾個問題!第一.中國觀眾的電影 ...
hobby
【美國電影】第二版預告眾星華麗登場《花木蘭》榮光歸何處? ... ...
06 Dec 2019