棒球除左擊出全壘打得分足夠精彩之外，其實一眾守備亦都可以睇到球迷熱血沸騰，就好似以下呢一球咁！

可以睇到，教士隊vs光芒嘅比賽入面，光芒嘅擊球手成功擊出球，而球雖然唔能夠完成全壘打，但係因為球飛出嘅高度會去到外野，所以絕對有可能造成一次安打。不過。教士嘅超新星Fernando Tatis Jr.卻成功阻止球隊嘅危機。

當時Tatis Jr.企喺內野，只見擊出嘅球岩岩飛向佢嘅上方，而佢傾盡全力高高躍起成功完成接殺。從影片中可以睇到，Tatis Jr.跳起嘅高度實在有夠高，即使佢接唔到亦絕對唔會有人怪佢，但佢就係硬生生將呢個危機完美化解。

View this post on Instagram

Only one shortstop makes this play.

A post shared by San Diego Padres (@padres) on Aug 12, 2019 at 8:36pm PDT

現年只有20歲嘅Tatis Jr.，今年先正式代表教士喺MLB上陣，但佢嘅表現可以話令人一睇難忘，相信未來佢嘅前途應該會非常光明。