歐洲超級盃尋晚喺土耳其上演，兩支球隊分別都係黎自英超，佢地係歐聯冠軍利物浦及歐霸冠軍車路士。

而由於利物浦方面領隊高普進行部份輪換，所以陣容上與英超首戰有少少唔同，好似法明奴、韋拿杜姆及奧歷治都先列後備，因此今仗整體戰力感覺上會有點下跌。

另一邊廂嘅車路士今仗與上仗大敗給曼聯時候嘅陣容亦都有不少改變，其中前線完全被換了，今仗林伯特派出基奧特、柏度及新加盟嘅普列錫組成三叉戟，最終佢地嘅表現亦都令人滿意的，特別係基奧特嘅第一個入球，可以話完全係同上仗有極大分別。

最終，雙方喺法定90分鐘分別憑住基奧特及文尼嘅入球，踢成1分1平手，並需要進入加時賽再分勝負。

而喺加時賽，利物浦先憑文尼再下一城領先，但無幾耐佐真奴亦成功入球，最終雙方2:2平手，需要互射12碼作最終勝負。

互射12碼階段，利物浦及車路士都成功射入前4輪嘅12碼，而最後一輪利物浦亦都射入，但車路士負責主射嘅阿巴謙卻選擇射中間，被門將阿祖安成功以右腳將個波封走，亦都係咁利物浦成功喺12碼以5:4擊敗利物浦，捧起歐超盃冠軍！

今次捧起歐超盃冠軍，係利物浦自2005年，相隔14年後再一次捧起冠軍，當年佢地擊敗嘅係莫斯科中央陸軍。