今年夏天，NBA可以用「大地震」黎形容，因為多位球星都相繼被交易或與別的球隊簽約，其中籃網算得上係其中一個贏家，因為佢地得到了Kyrie Irving、Kevin Durant及DeAndre Jordan嘅加盟，雖然KD好大機會要休養一年，但球隊未來仍然非常光明。

而籃網方面唔單止球員陣容有變，黎緊可能連老闆亦都會換人，因為本身擁有49％股權嘅中國公司阿里巴巴副主席蔡祟信，即將會全面收購本身大老闆Mikhail Prokhorov嘅51%股權。

現年55歲嘅蔡祟信喺台灣出生，並擁有加拿大國籍及香港永久居民身份。而作為阿里巴巴副主席嘅佢，目前身家達到88億美元，去年獲NBA官方批准可以收購籃網49%股權，最終佢以10億美元買入。

如今蔡祟信即將以13.5億美元收購籃網老闆Prokhorov餘下嘅51%股權，亦即係話合計23.5億美元完成籃網100％股權收購。23.5億美元將刷新NBA收購球隊紀錄，此前紀錄為Tilman Fertitta喺2017年以22億美元收購火箭。

成功得到KD、Irving等巨星，如今又有新老闆支持，睇黎籃網黎緊都真係會有一番作為了！