{ SKIP }
文:MenClub 波特先生  圖:互聯網
POSTED ON 22 Aug 2019

現役成就最高嘅足球員,相信都係不下C朗拿度及美斯二人,兩位球員都曾經5奪金球獎,而球會成就亦都無現役球員可以相提並論,其中C朗喺國家隊層面就比美斯更加好,因為佢曾帶領葡萄牙奪得歐國盃冠軍及較早前歐國聯冠軍。

不過,作為運動員總係會有退役嘅一刻,現年34歲嘅C朗雖然近年仍然保持極高嘅競技狀態,但其掛靴問題始終都係唔少球迷關心嘅事。對此,C朗亦正面回應:「我其實無諗問(退役)呢個問題,或者我明年就會退役,但我亦都可能踢至40-41歲。」

「退役一事我唔知道,我總係講我很享受現在嘅時刻。上天給我的禮物很好,我會繼續去享受。」

如果要數C朗獲得過嘅所有榮譽,相信數到聽朝都未數完,而如果單計大賽錦標,佢就曾經拎過5次歐聯冠軍、3次英超冠軍、2次西甲冠軍、1次意甲冠軍、4次世冠盃冠軍、1次歐國盃冠軍、1次歐國聯冠軍、5次金球獎等等。

雖然已經擁有輝煌嘅履歷,但係C朗仍然保持動力,其中創造紀錄就係佢堅持嘅原因之一。對於自己嘅成就,C朗就霸氣地表示:「有無邊位足球員嘅紀錄比我多?我唔認為有足球員比我擁有更多紀錄。」

確實C朗喺足球界擁有極多紀錄,其中好似5奪金球獎、12次入選世界最佳陣容、世冠盃最多入球、歐聯最多入球、最多入選歐聯最佳陣容、歐聯最多帽子戲法、西甲最快攻入300球、150球及100球紀錄、皇馬史上入球最多等等。

未來有無人可以超越C朗嘅紀錄暫時無人知,但係現役保持最多紀錄嘅相信真係只有C朗啦!

黑色嘅Wing高達零式改!!
hobby
「無盡的華爾茲」X「叛逆的魯魯修」合作機體 - Wing高達零式改叛亂 ... ...
21 Feb 2020
【PG-13級】美國黑人女Rapper出圖唔帶口罩《花木蘭》被指有心種族歧視? 花木蘭唔帶口罩係唔係種族歧視?早前就有一位美國黑人女Rapper (Kash Dol)好簡單出左張圖係自己IG,內圖係一班迪士尼公主帶哂口罩唯 ...
hobby
【PG-13級】美國黑人女Rapper出圖唔帶口罩花木蘭被指有心種族歧視? ... ...
21 Feb 2020