日本係自動販賣機的大國，可能因為災難意識較強，隨街都有大量的自動販賣機比人購買各種生活品，早前我地介紹過連飛機杯都有24小時自動販賣機，飲品汽水當然隨處可買，科技帶來改變。日本自動售賣機推出月費計劃，只要預付月費，每日可以㩒機取一枝飲品，包月計劃好像幾吸引，我知道大家諗緊咩野，人間自動販賣機，好像邊度睇過！

呢個最新嘗試的日本自動售賣機月費服務，每個月只要預付 980 日元（約港幣 72 蚊），就可以每日係指定自動售賣機領取一枝飲品。呢個係鐵路JR 東旗下Acure 發表月費服務「every pass」，將會係10月1日開始試行包月飲品計劃。試行招募500人，到日後成功正式推行就要收返每月 2,480 日元 (大約183蚊港幣)，使用方法係先係Acure Innovation 自動售賣機上比錢購買月費計劃，然後以月費計劃的QR Code每日得到一枝野飲。不過唔知正式推出時會唔會有搶手的熱賣飲品長期被人㩒哂缺貨情況呢？

試用計劃階段，用戶只能領取 Acure 品牌選定的指定飲料，日後正式月費計劃生效時付2480 日元月費計劃的用戶，就可領取售賣機入面任何一款飲品，一個月試用階段完結將會自動轉成正式服務，一日一枝！據廠方介紹，假如每日購買價值 150 日元的飲品，需要支付 4,500 日元。但現在可用包月價格更廉宜咁購買到需要的飲品，絕對係利民的好方案。自動售賣機保證流量，而客人又可平價飲野一家便宜兩家著。唯獨好媽媽相信會擔心飲料飲太多會增加中糖尿風險。

好爸爸呢？相信就諗緊計劃幾時大成功推廣至其他各類自動敗賣機，包括大家心目中想像的人間動販賣機，一個星期一次都夠！