Netflix的出現為世界帶來好多改變，除左包月制的收費模式外，Netflix自家創作的節目觀賞模式都係一次性全季上架，於是觀眾可以馬拉松式「煲劇」，睇到自己有興趣的劇作，連綿不斷咁狂煲一次過睇哂一季，英文有個詞語叫(binge watching），不過隨著串流媒體大戰的開動變則通，對手迪士尼+和蘋果都唔係一次過上架全季節目，迪士尼一週一集，而蘋果則部份作品為三集一週，近期，Netflix都開始嘗試進行新試驗，讓部分節目採取逐週上架。

率先高調試驗的係全新一季英國廚藝實況節目《The Great British Baking Show》，由於節目要維持淘汰參賽者的懸疑性，所以被認為一星期一集推出將會更為適合。於是唔會一次過放哂全部內容，會一星期上架一集作出嘗試。除了《The Great British Baking Show》，Netflix 全新原創音樂實況節目Rhythm + Flow也放棄一次釋出全季十集。將會係 10 月 9 日首播當日先上架放出前四集，然後係未來兩週各上架三集。對於其他傳統媒體來講，慢慢釋出作品係相當正路作風，但對Netflix來講就係串流革命的重新探索。

不過其實對於海外 Netflix 用戶來說一星期一季都好正常，好多非原創劇集就算放Netflix都係每星期釋出最新集數。其他媒體來講更加係必然的方法

Netflix的創新改變左好多人的觀眾，未來，蘋果同Disney+的新串流平台都唔會跟Netflix，會逐星期推出新集數，Netflix會維持傳統定大勢改革就未知，不過對你來講，你認為一次過放哂出來狂煲好，定個個星期等新集數好？有得選你至係老闆，其實就算你一週推出一集，咁要binge watching的人都係一樣咪等到你套劇做哂先一次過睇囉！Netflix其實行緊回頭路姐