日本漫畫《一拳超人》憑住風趣幽默，同時不失熱血嘅劇情，成為近年最受歡迎嘅漫畫之一。而其周邊產品亦陸續推出市面，當中包括一系列嘅遊戲，而黎緊又有一隻全新嘅《一拳超人》手機遊戲即將登場！

將由GREE公司推出嘅《一拳超人》手機遊戲，暫時只有Twitter及預告網站，發佈嘅內容非常有限。而從其預告網站(https://www.onepunchman-appgame.jp/)中可以睇到，遊戲發佈日期不斷倒數，說明發佈日期為9月12日，相信屆時遊戲商將會進一步公佈呢款遊戲更多內容。

原作コミックス国内累計発行部数2,000万部突破の大人気アニメ「ワンパンマン」のスマホゲームがマジ始動です！
本アカウントではゲームアプリの最新情報を発信していきます。ご期待ください！！ #onepunchman

ティザーサイトはこちら→ https://t.co/MnYJT4SZmf pic.twitter.com/kVpdLHmUV8

— 【情報解禁まで7日】ワンパンマン ゲームアプリ (@opm_appgame) 2019年9月5日

另外，遊戲商方面亦公佈今次呢隻《一拳超人》手機遊戲將會參戰2019東京電玩展，由於東京電玩展將於9月12日展開，所以亦即係遊戲會於展覽中對外公佈進一步消息。各位《一拳超人》嘅Fans，真係要對今次呢隻遊戲拭目以待！

《一拳超人》講述一位叫做埼玉嘅普通人，憑住訓練成為超人一般嘅存在，總係可以一拳KO所有怪物及壞人，實力站立於英雄，甚至全宇宙嘅頂點，但卻因為實力太強因此並唔能夠享受戰鬥嘅快樂。目前為止埼玉依然係戰無不勝，究竟未來會唔會有任何人或怪人可以威脅到佢？又或者得知佢強大實力嘅秘密呢？