「假新聞」喺如今嘅社會可以話多不勝數，稍一不留神就會比有心人製作嘅「假新聞」呃到，所以Fact check係非常重要的。而由於近期香港嘅反送中運動情況激烈，其中雙方陣營發佈嘅新聞消息有真有假，特別係Facebook上嘅新聞量特別多，有見及此Facebook官方今日特別宣佈，香港區將會全面打擊假新聞。

消息指，Facebook將會將打假交由法新社負責，而打假將會包括中文及英文新聞。Facebook會透過人工智能，去處理一啲經常發佈假新聞嘅專頁，而被用戶大量檢舉嘅亦都一樣會被人工智能進行檢測，最後就會交由法新社去檢定真偽。

若被Facebook確認為假新聞的Post，將會被強制調整其觸及率至零或接近零，咁即係代表呢個Post將唔會被散播出去。而如果假新聞已經被傳開，Facebook亦都會提示用戶該文為假新聞，以資識別。

以往Facebook已經喺多個國家進行打擊假新聞行動，其中包括美國大選嘅時候，因為大量假新聞出現，所以Facebook進行大量行動進行打擊。

據統計，Facebook單係今年第一季，已經移除左22億個假帳戶，以及刪除400萬條與仇恨言論有關嘅Post，唔知香港又會有幾多專頁或假新聞被阻止呢？就好似示威者係咪真係收左錢？警察係咪真係自己丟氣油彈？呢啲都要靠法新社去尋求真相啦！