漫畫《一拳超人》主角埼玉擁有絕對壓倒性嘅實力，即使面對如何強大嘅敵人都可以單用一拳就KO對手，至今未曾有過任何可以與佢匹敵嘅對手，係連比到少少威脅佢嘅都無，堪稱無敵。

咁究竟埼玉係點解會變到咁強？就算作為其弟子嘅傑諾斯亦都不明所以，直到佢自爆究竟係點樣獲得壓倒性嘅力量，答案就係每日堅持做100下掌上壓，100次sit up，100次深蹲，再跑10KM，一直堅持左3年，佢先變成今日無敵嘅埼玉老師。

聽完埼玉老師嘅答案，正常人聽到都會覺得咁樣嘅訓練點可能因此獲得無敵嘅實力，係咪老師講大話呢？如果將呢個訓練量放喺真實世界，結果又會點呢？

原來現實生活中，真係有人嘗試跟埼玉老師嘅訓練方法，結果仲好好添。雖然係人都知無可能會變到好似漫畫入面咁無敵，但係對自己嘅身體都係有住好處的，所以你又會唔會跟住試下，幻想自己變做英雄呢？