呢個世界愈話要禁止好多時愈係幫倒忙，即使巴西呢個天主教國家，里約熱內盧近日就發生保守市長高調呼籲禁制Marvel漫畫《復仇者：少年十字軍》（Avengers: The Children’s Crusade）出售，原因係當中內容涉及男男少年同性初吻的情節，點知建議遭到巴西最高法院駁回，而民眾唔單止唔理市長，仲將少年十字軍第9集漫畫搶購一空賣到斷哂市，搶購係因為真係咁好睇定為言論自由為出版自由作表態？不過相信最高興一定係Marvel，Marvel漫畫又贏一場。

到底點解里約熱內盧Marcelo Crivella要聲言禁售Marvel漫畫，原來係剛於當地推出第9期Avengers: The Children’s Crusade，劇情講到少年復仇者同性好友Wiccan和Hulkling之間的少年初吻呀！曾做過神職人員的市長Crivella當然在Twitter上跳出來怒罵，要求要保護當地的孩子，要求書展下架，禁止販售，但就遭到巴西最高法院駁回，巴西最高法院裁定，漫威《復仇者：少年十字軍》（Avengers: The Children’s Crusade）可以繼續販賣、出版，而禁售要求「只針對LGBT內容」，已經違法。經此一推，書藉係書展上大賣特賣紅到斷市。

Pessoal, precisamos proteger as nossas crianças. Por isso, determinamos que os organizadores da Bienal recolhessem os livros com conteúdos impróprios para menores. Não é correto que elas tenham acesso precoce a assuntos que não estão de acordo com suas idades. pic.twitter.com/sFw82bqmOx

— Marcelo Crivella (@MCrivella) September 5, 2019

原來包括當地媒體《聖保羅頁報》（Folha de São Paulo）等多個新聞媒體都出來反對市長的言論，至於點解當地人民咁大反對，係為自由聲音，還是當地建制市長平日好事多為，不得民心就唔太了解。，不過原來巴西係2013年起就已准許同性婚姻，當然作為傳統天主教為主的國家仍有不少民眾對同性戀有意見， Crivella市長就曾譴責同性戀是「邪惡行為」，對此，書展的負責人強調，在民主的風氣下不應該有不公平待遇，書展會持續為觀眾提供多元的作品選擇。

不過講到同性戀，Marvel係好多類似的題材同場景，marvel早係1985年出版的《美國隊長》中就有描寫同性關係，1991年出版的《X戰警》系列首次出現同志親吻的情節，1年後角色北極星（Northstar）成為第一名公開出櫃的超級英雄。來緊的新電影《永恆族》將會是Marvel第一個男同性戀英雄的電影故事。好唔好睇就係你個人選擇，我就只會睇件事有無良知，無論咩野戀都好，做好故事線將深度提升就係吸引人永恆法則，唔好忘記，不進則退，Marvrel的對手DC剛奪得威尼斯影展金獅獎，係後面虎視耽耽。