丹麥Jabra係最早研發進入真無線耳機市場的大廠之一，如今已經推出左三代的Jabra Elite系列，實際上係最早有齊各種功能的品牌，近期的IFA 2019展會上，Jabra發佈推出第四代無線耳機Jabra Elite 75t，別人有的功能其實Jabra晨早已經有，如今新一代就是更輕巧更細小更舒適，實際一向是Jabra作風，個人認為高音質和四組麥克風技術強大的語音通話能力係比別人出色的優勢，加上長效電池續航力，貼耳舒適其實上一代已經贏左，出到呢代相比起主要競爭者仲多埋降風噪功能，戶外用過真無線耳機自然明白風噪有幾煩擾。

要比高帽可以讚賞一下Jabra 150年的卓越音響工程經驗，不過唔駛多講，真無線耳機呢個丹麥品牌算得上是專家級，上一代Elite 65t 絕對係「大成功」！我都仲用緊，今代新機主要除左音樂耹聽外通話功能都非常強大，四組麥克風技術加上Jabra最新的降風噪功能，提供最佳的通話體驗，用戶在繁忙街頭或地鐵中，都可以順利接聽電話，與人溝通。

其他同上一代比較來講，主要是更輕巧、體積更小，依然有人體工學的貼服度的耳塞設計，戴起來相當舒適，體積小20%卻多50%電池續航力，連接的能力也升級到藍芽5.0並大大加強，我一早講過無任何新的款式會有電池續航力不足的難題，不過Jabra Elite 75t單次使用有7.5小時咁多，配合充電盒共可使用28小時，唔會話唔夠吧？

同上代一樣，可以透過Jabra Sound+應用程式制定個人化音樂體驗，也可以在apps內調較降噪的方式，配備USB C快速充電功能，完全符合現代生活需要。用戶可即時連接召喚Alexa 、Siri or Google Assistant等的語音助手，快速應用各種手機機能。Elite 75t配有鈦黑色和米鉑色兩種顏色可供選擇以滿足不同用戶喜好。

總結一下，新款Jabra Elite 75t係各個方面都強化原本第三代強大的真無線耳機能力，個人認為最強的是通話和舒適性，相比起其他品牌，佢的通話能力降噪機能，尤其是麥克風收音能力同街頭降風噪功能都係特別利害之處，選擇點就係呢度，不過Jabra Elite 75t 預計在第四季先公開發售，售價待定。