{ SKIP }
文:MenClub 波特先生  圖:互聯網
POSTED ON 12 Sep 2019

今屆籃球世界盃較早前已經完成八強賽事,而呢一階段接連爆出令人驚喜嘅賽果,其中兩支大熱門美國隊及塞爾維亞竟然同告出局,令本屆最終冠軍變得充滿懸念。

賽事開始前,唔少人都認定美國隊必定係賽事奪冠軍嘅第一大熱門,因為佢地基本上陣容全都是NBA球員。不過,大部份球星接連退隊,餘下嘅就得番二、三線嘅球員或年輕球員,好似Kemba Walker、Marcus Smart、Jayson Tatum、Donovan Mitchell、Kyle Kuzma等人。而見到美國隊嘅陣容,唔少球迷都開始登佢地擔心,甚至覺得佢地全無冠軍相。

最終喺賽事八強面對擁有爵士神塔Rudy Gobert嘅法國隊,即使美國隊有Mitchell呢位Gobert嘅爵士隊友,但反而被睇穿嘅係後者,憑住Gobert鎮守籃底,美國隊雖然有Mitchell個人獨取29分,但法國隊表現更穩,其中Gobert交出21分16籃板,Evan Fournier則添上22分,最終法國隊以89:79擊敗美國隊,殺入四強。

今次美國隊敗陣,係自2006年以來首次喺世界大賽正賽入面落敗,上一次已經要數至2006年不敵希臘。不過當時輸比希臘係因為美國隊並無用上最強陣容,自呢場落敗後美國隊再次用上NBA最強嘅美國球員,因此之後佢地再次變成無敵嘅球隊。但黎到今屆世界盃,美國多位球星相繼退隊,令球隊陣容不整,實力亦都變得不濟,最終落敗完全係可以想像得到的。

相反,塞爾維亞嘅落敗更加令人驚訝,因為佢地小組賽展現出強大嘅實力,輸比西班牙好大程度上係因為主力Jokic只係上陣左16分鐘。而黎到八強面對阿根廷,一支仍然以39歲嘅Scola作為主力,理論上應該係被看淡嘅一方,但結果憑住佢個人獨取20分,最終竟然帶領阿根廷以97:87擊敗塞爾維亞,實在令人意想不到。

如果成功殺入四強嘅球隊分別係阿根廷、法國、西班牙以及澳洲,四支球隊實力上都非常接近,所以黎緊嘅賽事相信會變得越黎越精彩,唔知你又覺得邊一隊可以拎走今屆嘅冠軍寶座呢?

//呢位前AV女星著住件屈福特波衫亮相,引起網民瘋傳,但又唔好以為佢搏出位,事關去年開始佢已轉型為體育主播!//
hobby
玄火 - 體肉主播Mia Khalifa
20 Sep 2019
自由係無價架!
hobby
【球王都撐】C朗拿度:「我想要自由呀!」
20 Sep 2019