今年嘅上海大師賽，與往年一樣已經唔再算係排名賽之一，但係「火箭」奧蘇利雲仍然繼續連續第四年參加。作為對上兩屆賽事嘅冠軍，「火箭」當然被評為最大熱門，而結果與預測一樣，呢位目前世界排名第二嘅傳奇級球手再一次打入決賽。

再一次打入上海大師賽決賽嘅「火箭」，已經係連續第三年殺入呢項賽事嘅決賽，而上兩次最終佢都成功奪冠而回。不過今次有點不同嘅係，決賽嘅對手由上年嘅鶴健士變成今年嘅梅菲，但對於「火箭」黎講都係老對手。

Pictures from Ronnie O'Sullivan's third consecutive Shanghai Masters victory.

The Rocket came out on top of a thrilling final with Shaun Murphy this evening, winning 11-9 to pick up the £200,000 top prize.

Full gallery  https://t.co/mcGparjIz2#ShanghaiMasters pic.twitter.com/6l73k3dmyL

— World Snooker (@WorldSnooker) September 15, 2019

而21局11勝嘅決賽一開始，梅菲就佔盡優勢，有點估佢唔到下連贏三局，一口氣領先3:0。不過「火箭」有咩大場面未見過，佢好快調整狀態，並不費足灰之力連贏4局反超前。其後雙方互有攻守下，局數打至7:6梅菲領先。

正以為梅菲有優勢嘅情況下，「火箭」開始進入暴走狀態，連續打出高度數下再次連贏4局，其中包括兩局打出130:0。被「火箭」以10:7領先嘅情況下，背水一戰嘅梅菲咬緊牙關追番兩局，但去到第20局「火箭」成功把握機會，贏埋呢局成功以11:9擊敗對手，連續第三年奪得上海大師賽冠軍。

其實睇番「火箭」近年都好鍾意揀比賽黎打，但點解咁鍾意參加上海大師賽呢？原來係因為呢項賽事係中國賽事當中安排好的，無論係住宿、飲食、比賽場地等都係國內最頂級的，因此吸引「火箭」經常參加，並且喺美好嘅環境下多次取得佳績。