利物浦上季雖然未能創隊史紀錄贏下英超冠軍，但仍然成功奪得歐聯冠軍，其中領隊高普嘅領軍能力被一致讚好，而今季佢能否帶領行記走行前一步，將成為焦點之一。不過，唔知大家又有無留意，作為領隊嘅高普並未好似其他大部份領隊一樣，經常著西裝示人，原因究竟係咩呢？

相信大家有留意利物浦嘅球迷，都一定會發覺領隊高普基本上咩場合都係穿起運動服的，細心嘅朋友一定會對此充滿疑問。而高普日前接受訪問時就解釋了原因：「我會在婚禮、葬禮中穿西裝的。而如果有人叫我著西裝，對於我黎講並唔理想。」

「我沒有原因去著西裝，因為我並不感到舒適，甚至有點呼吸不到。」

「我唔想喺比賽前要考慮我自己嘅外表，所以我很高興有人可以比一套服裝我就咁穿起佢。」

雖然高普咁講，但實際上佢都係有試過著西裝示人的，其中包括執教多蒙特期間及執教利物浦首季參加歐霸盃期間，但對此高普直言唔會再重演。

「當我首次參加歐聯嘅時候，有人話比我知著西裝係一種責任。不過當我第一次見到有領隊無著西裝，我就知道要點做了。」

「我唔鍾意理呢類小事。我唔覺得自己企場邊有需要好看，我的球隊好看就夠了，呢個先係我嘅目標。」