{ SKIP }
文:MenClub 波特先生  圖:互聯網
POSTED ON 19 Sep 2019

尋晚歐聯分組賽A組首場賽事展開,其中巴黎聖日耳門vs皇馬成為焦點,除左因為兩支球隊都係勁旅之外,仲因為兩位曾經係競爭對手嘅門將黎一次正門對決。講緊嘅就係拿華斯同埋高圖爾斯。

作為皇馬勇奪三屆歐聯冠軍嘅正選門將,拿華斯一直獲得皇馬球迷支持,但奈何球隊鍾情高圖爾斯,成功將佢從車路士帶來後,佢與拿華斯經歷一整季嘅競爭,最終拿華斯都係被送走到PSG,並正式扶正高圖爾斯。

而唔知個天係咪有心玩野,歐聯分組抽籤皇馬竟然同PSG抽埋同一隊,而且第一場就已經係兩支球隊嘅對決。最終,呢場對決高圖爾斯上半場連失兩球,下半場再失一球,最終皇馬大敗0:3,而高圖爾斯嘅表現賽後被一致批評。

當然,拿華斯唔失球其中一個原因係皇馬基本上無乜大威脅嘅攻門,甚至連一次中龍都無,所以拿華斯全場都相對輕鬆。不過,高圖爾斯亦都絕對責無旁貸,因為球隊前兩個失球佢都有一定責任,其中第一球竟然被對方近門射近柱得手,說明佢封近柱嘅企位有問題,而第二個失球企位亦同樣有問題,所以皇馬今次壓注喺佢身上睇怕都係失敗收場。

相反,拿華斯好彩得多,雖然佢本人唔想離開皇馬,但皇馬如今表現不濟,即使留隊亦都可能只換來經常失球從而被批評,加盟PSG則令佢可以繼續效力大球隊,而球隊表現亦都相尚不錯。

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024