{ SKIP }
文:MenClub 波特先生  圖:互聯網
POSTED ON 20 Sep 2019

門將卡利奧斯(Loris Karius),因為喺歐聯決賽代表利物浦時表現令人失望,所以最終被球隊放棄,上季開始一直被外借。本來將卡利奧斯外借出去,係希望佢喺次一級嘅聯賽重拾信心,但無奈其表現卻從未反彈,甚至一直犯錯。近日,呢位德國門將就再一次犯下大錯,導致球隊失波收場。

卡利奧斯上季開始被外借至土超球隊比錫達斯,但未知係咪因為仲未從犯錯嘅陰影中走出來,呢位門將上季仍然多次犯錯,甚至有一啲犯錯係難以被原諒的。

而黎到今季,卡利奧斯情況並未有改善,喺最新嘅一場比賽入面,佢就衝出禁區,想用頭搥解圍,點知判斷落點出錯,最終唔單止解唔到圍,更將後防隊友撞跌,令對方輕鬆攻入空門。

卡利奧斯呢個犯錯完全係不能夠接受的,首先本來嘅情況係唔需要佢衝出禁區,其後佢判斷球嘅落點亦都好有問題,最終造成嚴重嘅後果。

相信以目前卡利奧斯嘅情況,佢已經返唔到轉頭,咁嘅狀態及表現高普絕對唔會再用佢,睇怕佢嘅足球生涯可能好快就會完結了...

著住佢去尋寶啦!
hobby
《Puma x 海賊王》Cell Venom系列第二彈登場!
17 Oct 2019
飛雲機會黎啦!!!
hobby
【新作確認】經典《魔神英雄傳》新作「七魂的龍神丸」2020年登場! ... ... ...
17 Oct 2019