《食戟之靈》及《中華一番》兩套都係以料理為主嘅動漫作品，當中角色煮出嘅食品唔係真係放在你面前，但往往可以令人垂延三尺，甚至渴想可以親口品嘗其中嘅菜色。

不過日前位於日本大阪心齋橋附近叫作cookpad studio嘅店舖，就準備喺10月份舉行「食神祭」，屆時將會推出以《食戟之靈》及《中華一番》為主嘅特色菜色，其中包括：「創真的一皿」、「惠的蘋果白餡」、「小當家與阿Ｑ的兄弟弟子料理」、「太陽杏仁豆腐」、「莓月餅」等等。

除左食品之外，現場亦都會有兩部動漫多款周邊商品供食客購買，好似杯墊、File等。唔知到時會唔會有得試創真為試驗而失敗嘅各款菜色呢？