間諜行為喺唔少國家之間都會出現，但原來喺球會之間亦都會發生的，咁究竟佢地係想獲得對方嘅咩資料呢？

據外國傳媒報導，曼城與利物浦兩家球會之間，原來就曾經發生過間諜事件，而受害者更加就係上屆英超冠軍曼城。

消息指，喺2012年6月至2013年2月期間，利物浦曾派間諜進入曼城球探部工作，並多次入侵其球探資料庫偷取資料。直至該名員工轉投利物浦，曼城才發現資料庫被多次入侵，球會隨即加快收購部份目標球員，其中包括2013年加盟嘅費南甸奴及捷西斯拿華斯。

雖然利物浦方面並無正式承認派間諜到曼城工作，但佢地為左息事寧人所以給曼城支付了100萬鎊和解費，而雙方亦都無將事件交由法庭解決。

其實間諜工作可能隨時隨地都進行中，而傻強嘅說話可能可以幫到你分間諜，就係「當一個人好唔專心咁做緊一樣野，而佢又望住你既話，佢就係間諜。」