NBA官方今日宣佈，其屬下嘅G聯賽(前發展聯盟)將會喺黎緊新一季進行一項有關罰球嘅新試驗，就係將罰球次數減少，而呢個改變將可能對現時罰球出色嘅球員相當有利。

今次NBA喺G聯賽試行嘅罰球規則，影響都真係唔少，因為現時嘅規則係當有球員或教練犯規對方就可以獲得1-3次投射罰球機會，然後每個罰球計一分。而新規則下，當球員被犯規而獲得罰球，球員只會有一次投射罰球機會，而呢個罰球將會以你被犯規時究竟係兩分還是三分來決定得分，即係話一個罰球將可以獲得2分或者3分。而其他犯規，例如黎自團隊犯規或技術犯規嘅罰球則繼續計1分。

Breaking at ESPN: The G League this season will use the "one free throw counts for all the points" rule on shooting fouls -- on 2s and 3s: https://t.co/6mn9VQtzYg

— Zach Lowe (@ZachLowe_NBA) September 26, 2019

不過，以上嘅新規則並唔係全場都適用，其中喺比賽最後兩分鐘及加時嘅全部時間入面，都係會繼續用番以往嘅罰球計分方法。

NBA官方預計，新規則將可以大慨每場減省6-8分鐘時間，從而解決此前有不少球迷提出比賽經常太多罰球，令比賽時間過長嘅問題。

其實NBA一直都會以G聯賽或發展聯賽去為NBA進行各項嘅試驗，特別係規則上，所以如果今次新規則效果好的話，相信加入到NBA當中嘅機會將會非常大。而屆時一眾罰球好手，就可以慳水慳力一個罰球換3分了！