{ SKIP }
文:MenClub 摯樂  圖:互聯網
POSTED ON 10 Oct 2019
「殺神宇宙」啟動John Wick衍生電影殺神《Ballerina》

殺神John Wick以精準俐落的動作場面改變了一代的電影主流,當今所有武打的電影方式都隨著殺神John Wick變更拍攝方式。《殺神John Wick 3》全球勁收 3.21億美元受盡讚賞。殺神將會延伸出一個全新的殺神宇宙電影作「白俄羅斯芭蕾殺手」(Ballerina),故事以殺神John Wick 3電影當中的白俄羅斯刺客芭蕾舞團為主導,係另一部以女性作主體的女殺神衍生作品, 奇洛李維斯將擔任執行監製,並有機會親自客串,整套作品由《妖夜尋狼》系列導演 Len Wiseman 執導,《殺神John Wick 3》Shay Hatten 擔任編劇,你仲記得電影中非常吸睛的芭蕾舞學院嗎?

 

《殺神John Wick 3》的故事當中,被全城通緝的 John Wick,電影前段就去尋找一位高桌會成員芭蕾舞團的總監,以十字吊墜換取「車票」,幫助John Wick逃亡去摩洛哥卡薩布蘭加。事實上呢個芭蕾舞團就係白俄羅斯的刺客集團,亦即係全新John Wick衍生作《Ballerina》的背景集團,然而呢個係電影商一早已經睇準John Wick 3的機遇,係同John Wick 3同時開發,所以當大家睇戲的時候就會覺得呢個芭蕾舞團異常吸引細膩,因為成個背景同內裡故事一早已set好哂!電影當中仲有一位全身紋身的女芭蕾舞者相當搶鏡,佢係台上跳舞,呢位女演員叫做Unity Phelan,暫時未能確定佢就係《Ballerina》主角,但肯定係《Ballerina》故事人物,佢背脊的紋身同John Wick一樣,可以肯定Ballerina將深入更多John Wick 與白俄羅斯刺客集團之間的恩怨情仇,提一提大家電影角色John Wick原名為Jardani Jovanovic,係出生於白俄羅斯的一個村莊。但暫時也無法確定執行監製奇洛李維斯會親身上陣演出。

 

《Ballerina》劇情將聚焦一位自細就被訓練要成為殺手的年輕女仔,決心要報全家被人殘忍殺害的大仇。同時在《殺神John Wick 3》飾演總監的Anjelica Huston將有機會回歸演出。好可能《Ballerina》將引用John Wick動作精神再加入芭蕾舞蹈和女性的柔韌表達另一種「殺神」的鯨藝術。總之,無論係現實定電影,『蝴蝶效應』都係可以發到好大,John Wick世界正因為一隻狗被殺而引發殺戮不斷,甚至引伸出一整個John Wick宇宙電影世界。不過電影要複製John Wick式的動作片成功之前仲要先超越其他類似的女殺手故事,例如近期上映的洛·比桑執導大穫好評的Anna》。

 

最後提返John Wick: Chapter 4已定檔係2021 年5 月21 日上映,接著推出的相信會係女殺神電影《Ballerina》

 

如果依家你有套戲想睇,你嘅第一反應可能唔係睇下戲院仲有無上、DVD出咗未,而係上網串流平台有無提供。反正依家有咁多個平台,總有一個會解決你問題吧?對於唔少人黎講,呢個改變可能屬於「方便」嘅範疇,不過HBO M ...
hobby
【影視】HBO總裁指太多串流平台混淆觀眾 然後宣佈未來加價及打擊帳戶共享
12 Sep 2025
Glen Powell表示,Chris Pratt在《Guardians of the Galaxy(銀河守護隊)》嘅演出,改善咗荷里活男主角必須嚴肅或陰沉嘅形象,令業界開始接受男主角帶點俏皮同輕浮嘅態度,間接幫佢開闢咗成為電影明星嘅道路。 ...
hobby
【影視】Glen Powell大讚Chris Pratt「星爵」改變了荷里活男主角形像:不再陰沉嚴肅,可以輕浮俏皮
11 Sep 2025