今年係日本著名動畫系列《高達》面世40週年，唔知各位香港Fans又有無去奧海城朝聖睇下3米高嘅紅色迷惘高達呢？而作為《高達》誕生嘅地方，日本方面亦都有唔少合作推出，其中包括眼鏡製造商OWNDAYS將與《高達》Crossover推出薄鋼鏡框及眼鏡架。

今次OWNDAYS與《高達》嘅合作，眼鏡框方面主要以RX-78-2、渣古-II、馬沙專用渣古-II紅彗星、以及大魔造型同大家見面。眼鏡框材料主要為薄鋼材質，令質感更似高達，再加上可以自行搭配前掛式太陽鏡，令功能性方面大增。

而除左眼鏡框之外，OWNDAYS今次更推出以RX-78-2高達頭造型嘅眼鏡收納架 -「GUNDAM HEAD CASE」。此款收納架可擺放多副眼鏡，同時於高達眼睛位置配有發光裝置，令眼鏡架除擁有收納功能外，更大幅增加觀賞觀值。