NBA近年越黎越睇重中國市場，好似現在每年都會搞NBA中國賽，而結果亦都非常理想，巨大嘅球迷數成功建立起來。不過，較早前火箭總經理Morey於網上聲援香港爭取民主自由，挑動起一眾中國球迷，並聲言要抵制NBA。

不過，NBA總裁Adam Silver卻企硬，並聲言支持Morey擁有作為美國核心價值嘅言論自由，而美國球迷亦都非常不恥中國球迷，全面聲援香港人。雖然唔少美國人都非常支持香港，但亦都有部份NBA球員不支持Morey，其中好似湖人嘅「占大大」LeBron James。

而今日作為NBA新一季嘅揭幕日，NBA安排左一場洛城打呲，由湖人大戰快艇。而呢場比賽回然係揭幕戰焦點，但唔單止比賽受關注，場內場外聲援香港爭取民主自由嘅東西可能比比賽更多。

其中於史達普斯中心場外，比賽前有球迷拎住橫額又著住「Stand with Hong Kong」嘅T恤聲援香港。另外，亦都有人製作圖片，暗嘲LeBron James成為中共一份子，只懂賺人民幣。

而另一場作為上季NBA總冠軍嘅速龍，現場亦有人士穿著黑色T恤，上面印有「The North Stand with Hong Kong」，說明作為「北境之王」嘅速龍／加拿大都支持香港。

睇怕香港反送中運動一日未完，NBA方面一日都會繼續有相似活動進行，特別係美國地方講求民主自由，所以反應被挑動下勢必繼續燒下去。