星球大戰係其中一種男人的浪漫，正所謂「明就自然明」，當你睇到星球大戰第9集《星球大戰：天行者崛起》終極預告，如果你起哂雞皮，見到全部角色又一次登場時證明你係星戰宇宙中的一員，放心，迪士尼底下星球大戰：天行者崛起只係星戰故事正傳的最終章但不是Endgame，相反星戰宇宙即將全力開展好多新作品，第一部星戰宇宙的新作迪士尼plus劇集《The Mandalorian》最近有試映會，仲大獲好評，星球大戰已經成為左迪士尼取之不盡的浩瀚星戰宇宙To Infinity...and beyond，未來肯定大把你睇，Marvel的美國隊長同Marvel隊長都排緊隊跳出彈入拍全新星球電影，不過大家先欣賞《星球大戰：天行者崛起》完結左正傳先啦！

先講《星球大戰：天行者崛起》是迪士尼收購魯卡斯影業之後的第五部正傳電影，同時也是星球大戰正傳故事的第九部曲。全新預告對星戰迷來講係感動不已，預告見到莉亞公主同Rey情深擁抱，加上C-3PO、R2-D2，連侏兒（Chewbacca）都先後登場，今年12月19日務必入場一完正傳故事。

之於另一部，迪士尼plus的電視劇集《The Mandalorian》近日美國官方洛杉磯舉行首場的傳媒試映會，限時30分鐘且不跟時序播出內容，而當地傳媒的評價居然係一致好評，有說是完全忠於星戰宇宙觀的佳作, 《The Mandalorian》將會係美國時間2019年11月12日正式係全新的網上串流媒體迪士尼+頻道放映，可惜的係香港朋友好像未趕到以合法的渠道收睇到呢部新作，不然可以睇住《The Mandalorian》，過足星戰癮，等到12月中入場睇埋《星球大戰：天行者崛起》，成件事好星球大戰，40年又40年，星戰可望成為一個不朽的夢，希望你同你個孫可以一齊解構交流一下星戰世界，世代的交流靠哂星球大戰！