較早前已經宣佈於本月31日推出嘅Switch動作冒險遊戲《Luigi Mansion 3》，官方推出最新嘅宣傳影片作最後介紹，等一班已經準備好捉鬼嘅玩家，更全面知道遊戲嘅玩法。

從新發佈嘅遊戲宣傳片中，我地可以得知作為主角嘅Luigi，其身上唯一嘅武器吸塵機究竟有咩用途，除左唔少人已經知道可以用黎吸物品或鬼怪之外，仲可以發動噴射功能，又可以製造分身出黎，以解決不同難關。

另外，今次宣傳片亦介紹遊戲入面各個關卡入面嘅Boss，好似有聖波提三世、虎卡船長、阿福羅DJ等等，每一位都需要你控制Luigi以不同方法解決。

而今次《Luigi Mansion 3》很好利用Switch嘅連機功能，將可以同時2人、4人或8人進行不同類型嘅合作模式，令好朋友們可以一齊經歷於鬼屋捉鬼又驚又喜嘅時刻。