日本知名頭髮護理品牌白髮都洗到變黑髮的MARO17（マーロセブンティーン）居然同《機動戰士高達》（機動戦士ガンダム）聯乘搞聯營活動，仲推出超吸引純黑渣古做獎品，有400個幸運兒，得獎就可得到靚得很比錢都買唔到的黑色渣古，真係引死人！

今次活動仲搞埋馬沙，將紅彗星馬沙頭髮染黑，點解？人地賣緊洗頭水廣告嘛！得左！廣告中馬沙仲話「黑髮給你的榮光（黒髪の栄光を君に）」「因為唔再係小男孩了（もう坊やじゃないからさ）」，成個廣告超好，但最好都不及HG 1/144比例的黑色渣古耀眼，黑得勇武的機身配搭金色的MARO17字樣，充滿黎明來到的時代感！自護公國好波

點先可以得到？咁就難啦，要抽獎，凡買滿MARO17系列產品滿1400日元（含稅）以上連購買收據，並上網登錄填寫相關抽獎資料。就可以到佢地網站確認詳細信息。超過1,400日元的收據可以登錄抽獎1次，超過2,800日元的商品可以登錄抽獎2次…如此類推。分兩次抽獎，首次抽獎活動時間：2019年11月1至2019年12月31日止, 第二波抽獎期間：2020年1月1日至2020年2月29日，頭獎各有MARO17 原創黑色馬沙專用渣古 /共200名，即總共送出400部渣古

 一見傾心講多無謂，全黑色渣古最迷人，仲有點抗爭意味，想買都無要去日本座洗頭艇洗頭等抽獎

當然仲有其他MARO17禮物，包括Barmuuda 烤麵包機等等，但我係未收到錢過數前係唔會幫佢地宣傳，除非馬上送一部黑色渣古過來

再一次讚賞一下部純黑渣古，係手足呀………很想要呀，難道我要去買好多洗頭水？