{ SKIP }
文:MenClub 摯樂  圖:互聯網
POSTED ON 06 Nov 2019
【票房失利】《未來戰士: 黑暗命運》評價兩極全球票房疑蝕到趴地 

早兩個月史泰龍的Rambo以超血腥復仇為自己帶來傳奇式謝幕,佢的人生對手兼老友阿諾舒華辛力加上週上映磨刀27年新作《未來戰士: 黑暗命運》,可惜出師未捷第一週就出來票房報悲,有外媒仲指出未來戰士票房虧損可能要大蝕超過一億美金。係美國《未來戰士: 黑暗命運》票房肯定「唔夠數」,第一週只能收到 2 千 9 百萬美元票房,走勢疲弱。如果計計電影龐大嘅成本,,監製占士金馬倫同導演Tim Miller 加上阿諾舒華辛力配上Sarah Connor等一大班老老嫩嫩演員連製作特技同發行等開支總成本高達2.8億美元,暫時埋單的確令人擔心,至於中國的市場,《未來戰士: 黑暗命運》刪減左血腥暴力的畫面後成功係中國上映,不過中國的首週總票房都係2億人民幣,仲只能屈居國內大熱的電影《少年的你》排第二,全球最好收的市場都救唔到佢回本之路,睇來影迷期待左28年的未來戰士系列都可能壽終正寢,同套電影名一樣未來戰士黑暗命運 

影迷期待27年後才睇到的真正第三集又係咪真係咁差呢? 其實又未必, 起碼當大蝕錢嘅報導出街之後,海內外網絡評論一片沸騰觀眾持正反兩面好多人支持力撐未來戰士, 未來戰士黑暗命運嘅影評又唔係想像中咁差,暫時電影嘅影評係兩極化部分人好喜歡 ,奈何對製作單位嚟講最需要嘅係觀眾入場--係要票房賺錢呀。其實香港嘅票房並唔差,喺當下嘅社會環境氛圍當中,香港依然可以收到將近過千萬票房都算不過不失, 不過香港票房喺全球票房當中其實只係條小魚無法左右大局。


如果你係未來戰士嘅粉絲唔知你有冇入場支持一下,其實我個人覺得套戲真係唔差,不過肯定唔係成功到能夠製造社會風潮,可以引起一窩蜂入場觀賞嘅熱潮。

如果單論票房計,《未來戰士: 黑暗命運》 開局的確就係輸咗, 先輸歐洲票房再輸美國票房,最後加上中國一有盜版問題二上映嘅乃修改刪剪版,票房好難有咩突破,不過樂觀來睇電影11月1號上映至今只不過係第一個禮拜,所以如果而家話佢全球票房仆直可能係言之過早。

如果仲會繼續拍攝未來戰士系列嘅話下一步不如改個好意頭D嘅名例如叫做《未來戰士-賺到開巷》呀。雖然香港市場人微力薄,但我都極力推薦各位未來戰士嘅支持者喺嚟緊嘅時間趕緊入場支持未來戰士黑暗命運,救得一蚊得一蚊自己經典自己救。

改編自原著漫畫第七部作品《飆馬野郎(Steel Ball Run)》嘅電視動畫《飆馬野郎 JOJO的奇妙冒險》今日公開正式前導預告,預計2026年在Netflix獨家播出! 《飆馬野郎》故事發生喺一個獨立於前六部作品嘅平行 ...
hobby
【動漫】《飆馬野郎 JOJO的奇妙冒險》公開正式前導預告 2026年Netflix獨家播出
14 Oct 2025
雖然無對外公開承認,但現年63歲嘅Tom Cruise與37歲嘅Ana de Armas戀得火熱就已經係人盡皆知,近日更有報導指二人即將拉埋天窗。不過比起二人結婚呢件事,更搶眼嘅係佢兩個打算「點樣結」,事關據報Tom Cruise就連結 ...
hobby
【影視】Tom Cruise結婚都要「不可能的任務」 傳太空或深海行禮
14 Oct 2025