{ SKIP }
文:MenClub 摯樂  圖:互聯網
POSTED ON 06 Nov 2019
《死亡擱淺》神級遊戲製作人小島秀夫即將進軍電影業拍電影

遊戲界期待良久慢工出細貨的超級大作《死亡擱淺》(Death Stranding) 終於推出了,玩家們係多變同複雜的環境下「送貨」,遊戲動用大量真人融入故事,有《The Walking Dead》Norman Reedus 及《The Hunt》的Mads Mikkelsen,加上《007 Spectre》的Léa Seydoux、《The Leftovers》的Margaret Qualley等等。亦有《悍戰太平洋》的導演Guillermo del Toro與《Drive》的導演Nicolas Winding Refn等電影人客串演出。其實遊戲本身的還原度加上配音,同一套電影都可以話差無幾,小島秀夫常用電影式的分鏡長短距敘事過場,實際上遊戲製作人小島秀夫根本就係被遊戲耽誤嘅電影工作者,所以完成《死亡擱淺》,佢小島製作工作室將會投身本來應有的行業,製作電影!



小島秀夫近日係訪問中表示,自己創立的遊戲工作室「小島製作」(Kojima Productions) 即將正式踏入電影製作的領域。「在未來,小島製作將會開始製作電影作品」小島秀夫在 BBC Newsbeat 的影片中表示:「如果你能夠精通一件事情的話,那代表做任何事都可能達到精通。」 相信對小島秀夫有所了解的朋友都應該同意佢一早就應該投身電影界。



在小島秀夫最享負盛名嘅大作始於1987年,影響全世界的第一款潛入遊戲《Metal Gear》, 據說由於當年遊戲畫質不佳, 小組要設計一款動作遊戲但又要避免子彈橫飛對機能嚴峻要求, 於是發揮創意諗到「潛入」呢一種嶄新令人耳目一新嘅玩法。 多代的Metal Gear 奠定小島秀夫在遊戲界的獨特地位。1998年PlayStation推出的《Metal Gear Solid》將佢的作品推向全球,讓佢漸漸成為遊戲界之神話人物。

後來佢同母公司Konami產生磨擦嚴重矛盾, Konami想將佢完全係作品中刪除,又唔比佢係2015年The Game Awards領獎禮上上台領取「最佳動作遊戲」及「最佳音樂」獎項。Konami的種種大小動作要將小島逼入絕路,最終小島秀夫離開Konami自立門戶,開創遊戲工作室「小島製作」(Kojima Productions) ,並於今年11月正式完成第一個遊戲大作死亡擱淺。

未來,我哋可能可以睇到小島製作工作室出品嘅電影作, 成件事好有日本人式的熱血精神。慢工出細貨嘅小島秀夫用咗三年時間製作出全新大作死亡擱淺,佢地的一套電影作品又需要用幾耐嘅時間雕琢呢 ? 大家敬請隆重期待。



【驚喜爆料】澳洲網爆LEGO X 任天堂第二波樂高超級瑪利歐紅白機新系列 LEGO同任天堂合作的樂高超級瑪利歐下個月就開售,早前,LEGO網上出片暗示將會係下一波推出以「復古遊戲機」作主題的新系列,點知,強大的 ...
hobby
【驚喜爆料】澳洲網爆LEGO X 任天堂第二波樂高超級瑪利歐紅白機新系列 ... ...
14 Jul 2020
Uniqlo同Ikea都有!
hobby
【家居】唔想對唔住北極熊 用涼感寢具啦!
13 Jul 2020