LUXMAN 可以講得上係日本國寶級嘅音響品牌， 係日本史上第二個生產音響嘅老字號。 所有掛住LUXMAN牌頭嘅影音產品都係信心嘅標誌。 喺全新嘅數碼世代，LUXMAN決定成立一個全新嘅副品牌LUXMAN B-side ，全力針對新世代音響發燒友以外嘅大市場， 第一件出售嘅精品係arro studio collection S5，係一部多功能一體型智能喇叭， 設計時尚科技尖端將高級音響嘅設計融合喺現代家居室內設計當中，賣嘅係品味嘅選擇， 買嘅則係對Luxman一個世紀以來音響嘅追求同認同。

吹到咁堅？等我講解返， Arro studio collection S5 由luxman嘅新成立副品牌luxman B side出品，設計追型則來自法國設計公司 Arro studio 設計，係一個非常型格又高雅的內置放大器的一體型智能喇叭，承接智能喇叭的熱潮同實際需求，超簡約新世代入屋嘅設計， 押上LUXMAN接近百年累積高品質音響嘅技術，係Highend的智能創作。

Arro studio collection S5 擁有全面嘅網絡功能，支援 AirPlay 和 DLNA，同時可串流播放 Spotify、Amazon Music、TuneIn、Deezer 外，亦能以藍芽連接，編解碼器對應 SBC / AAC / aptX / aptX HD， 加上對應usb以及模擬/ 數碼輸入和輸出， 連接全面除咗網絡連接音頻設備仲可以播放usb記憶體 內嘅歌曲。所有外部數碼和模擬輸入，會由內部轉換成 48kHz / 24bit 再作播放。係使用方面係可以全面銜接現行嘅影音播放要求 。

廠方亦為呢個產品提供專有應用程式 LUXMAN CONNECT，可以 兼容iOS / Android 手機，透過App 用戶可直接以手機操作 Arro Studio Collection 系列產品，句括設置 Amazon Alexa / 網絡環境，更新韌體，切換聲音源/輸入，播放音樂等。此外，透過該 App 設置功能，用戶將來可安裝多部Arro studio collection S5 或日後所推出的同系列產品作多房間播放。

喇叭主要由 1 個 80mm 低音單元和 1 個 25mm 高單元組成，而左側和右側亦有 2 個 25mm 單元作為獨立的 LR 衛星單元。輸出方面，低音部份輸出為 30W，高音的輸出為 10W。

Arro studio collection S5品味高雅大家有眼可見，而實際上音箱採用 NC 加工而成嘅多孔鋁製外殼，頂部設有一個垂直大型轉輪作音量控制，另配備有 LED 和關閉麥克風功能的按鈕，此外正面右上角還有一個 LED，當用戶更改音量級別或使用 Amazon Alexa 識別語音時，就會顯示唔同嘅顏色作提示。

其他規格方面，頻率特性 50Hz - 20kHz（+0，-3dB），分頻點 2,300Hz，功耗為 50W（待機 0.5W）。尺寸為 150W x 250H x 170Dmm（包括頂部轉輪），重量為 4.0kg。

Arro studio collection S5將於 11 月 1 日係日本蔦屋家電 和 Amazon 接受預訂，價格約為 ¥98,000 日圓(約7000港幣)。