有唔少人可能都鍾意去「夜欄舖」買野，因為可能貪個度平，但同時又有機會喺當中發現寶物。而較早前喺英國，就有一名男子喺一間二手店以超抵價買左件寶物，最終成功將呢件貨由「草變寶」換來巨款。

據消息指，一名男子從慈善商店入面以1英磅買下一個中式花瓶，當時嘅佢覺得呢個花瓶非常別致，其後佢將花瓶放上ebay上進行拍賣，勢估唔到花瓶叫價竟然去到38萬鎊！

得知呢個花瓶應該係寶物後，呢名男子就將花瓶送去藝術品拍賣公司「Sworders」進行鑑定，最終發現原來呢個花瓶竟然係屬於中國古皇帝乾隆的，名為「清乾隆黃地軋道洋彩如意耳開光御題詩紋壁瓶」，絕對係古代寶物之一。

而透過呢間拍賣公司，最終花瓶以48.4萬鎊完成交易，足足比喺ebay嘅叫價再多出10萬鎊，亦足以證明呢個花瓶究竟係幾咁具價值。呢位人兄能夠將1鎊變為48.4萬鎊，真係唔知係佢眼光好，定係好彩啦！